- 401 -

1404. Jan. 12. Liebenwalde.

Vnsern fruntlichen dinst czuuor. Hochgeboren fursten lieben ohem. Wir haben vornomen, wie daz ir den hochgeboren fursten hern Ruprecht herczogen in Slesien etc. vnsern lieben herren vnd sweher uffgehalden vnd bekummert habet, douon so bitte wir euwer liebe mit sunderlichen begerunge vnd fleisse, daz ir den egenanten vnsern sweher vngehindirt vnd vnbekummert ane forczog czihen lassit, wenn wir anders nicht wissen noch vornomen haben, daz her in den sachen vnschuldig vnd wider euch nicht gewest ist vnd daz her vnser bete hieran vnd dinste genyesse, des woln wir gen euwer liebe alle czite willeclichen, als ken vnsern liben ohem vnd besundern frunden gerne vordinen vnd begern des euwer antwort. Geben czu Libenwalde des sunabundes noch epyphanie domini anno etc. cccciiij°.
Rudolff von gotis gnaden etc.

O. d. St. L. No. 208.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866